PS kërkon në Komision shtrirje të hetimit prej 2009 për koncensionin e sterilizimit

Ditën e sotme po mbahet mbledhja e Komisionit Hetimor për Shërbimet Publike të Sterilizimit dhe Check up në Shëndetësi.

Nënkryetari i Komisionit Hetimor për Shërbimet Publike të Sterilizimit dhe Check up në Shëndetësi, Plarent Ndreca, deklaroi në mbledhjen e sotme se Komisioni duhet ta shtrijë hetimin për kontratën e shërbimit të sterilizimit në periudhën prej vitit 2009.

“Ne vlerësojmë që kontrata e sterilizimit duhet hetuar në gjithë kontekstin paraprak të kësaj kontrate. Komisioni duhet të ketë informacion të plotë deri në momentin që është lidhur kontrata. Kontrata është lidhur në tetor 2009. Kështu që ne mendojmë se duhet vlerësuar e gjithë panorama. Të kemi informacion para lidhjes së kontratës, në momentin e lidhjes dhe pas lidhjes së kontratës”, deklaroi Ndreca.

Kujtojmë se për çështjen e ‘sterilizimit’ është hapur edhe një dosje në SPAK me 9 të pandehur, mes të cilëve edhe ish-ministri i Shëndetësisë, Ilir Beqaj.

LEXONI GJITHASHTU: 

• Sterilizimi, Beqaj akuzohet për shpërdorim detyre, shkelje deri në 100 mln euro
• GJKKO urdhëron SPAK t’i japë Beqaj 602 aktet e akuzës/ Ish-ministri: Vendim i drejtë