Sterilizimi, Beqaj akuzohet për shpërdorim detyre, shkelje deri në 100 mln euro

Prokuroria e Posaçme ka mbyllur hetimet për koncesionin e sterilizimit dhe ka dërguar për gjykim ish-ministrin e Shëndetësisë, Ilir Beqaj. Ky i fundit akuzohet për veprën penale shpërdorimi i detyrës.

Ish-ministri i Shëndetësisë, Ilir Beqaj do të gjykohet për koncesionin e Sterilizimit. SPAK ka mbyllur hetimet dhe ka dërguar dosjen në Gjykatë, aty ku bashkë me Beqaj do të sqarojë pozicionin e tij, pasi më parë është pyetur me javë të tëra në Prukurorinë e Posacme.

Ish-ministri akuzohet për veprën penale shpërdorimi i detyrës, ndërsa do të jetë në bankën e të akuzuarve së bashku me ish-zëvendësin, Klodian Rrjepaj dhe biznesmenin Ilir Rrapaj që mori kontratën.

SPAK ka dërguar për gjykim edhe 6-ish zyrtarë të Ministrisë së Shëndetësisë të cilët kanë qenë anëtarë të Komisionit të tenderit të sterilizimit. 

Hetimet për koncesionin e sterilizimit janë kryer nga prokurorët Edvin Kondili dhe Ened Nakuçi, ndërsa SPAK akuzon për shkelje me vlerë 100 milionë euro.

Prokuroria thotë se në dhënien e koncesionit të akuzuarit nuk kanë respektuar ligjin dhe kanë shpërdorur detyrën. Ndër gjetjet e konstatuara nga SPAK janë edhe procedurat e ndjekura për fituesin por dhe mos realizimi i kushteve të parashikuara në kontratë.

LEXONI GJITHASHTU: 

• Franca do t’i dërgojë Ukrainës autoblinda të vjetra dhe raketa të reja
• Pse nuk është gati lista e kandidatëve për deputetë? Si përgjigjet zëdhënësja e PD