PS ka mbajtur këtë të hënë për 40 minuta mbledhjen e grupit parlamentar nën drejtimin e kreut të grupit, Bledi Çuçi.

Në mbledhje është diskutuar rreth seancës plenare të së enjtes dhe po ashtu për problematikat e qytetarëve në terren.

Në mbledhje nuk është diskutuar as për Avokatin e Popullit, as për reformën zgjedhore dhe as për çështje e Arben Ahmetaj, një vendim të mundshëm nga grupi i PS, pasi Ahmetaj vijon të jetë pjesë e grupit parlamentar socialist.

Shqetësimet që kanë ngritur deputetët në mbledhje kanë qenë lidhur me buxhetin, diskutimi i buxhetit të bëhet në grupe të vogla sipas komisioneve.

Një tjetër shqetësim që është ngritur nga deputetët e PS në mbledhje është edhe Kadastra, vonesat me të cilat qytetarët janë hasur.

Po ashtu, deputetët kanë kërkuar që të vlerësohet pensioni për bujkun.

LEXONI GJITHASHTU:

• Partia Socialiste mbledh Asamblenë Kombëtare, zbulohet data
• Partia Socialiste fiton në Mat, Agron Malaj merr dyfishin e votave të kundërshtarit