Është zhvilluar këtë të mërkurë mbledhja e Komisionit Hetimor lidhur me shërbimet publike të sterlizimit. Në mbledhjen e ditës së sotme kanë qenë të pranishëm vetëm përfaqësuesit e opozitës, pasi përfaqësuesit e mazhorancës kanë refuzuar të marrin pjesë.

Kryetarja e këtij komisioni Albana Vokshi tha se mbledhja është lajmëruar sipas të gjitha procedurave. Ajo tha se kjo mbledhje do të zhvillohej ditën e sotme pasi të martën, 2 prill, mazhoranca refuzoi punimet e komisionit sipas rendit të ditës.

“Sikurse është njoftuar dje, kam njoftuar mbledhjen e Komisionit Hetimor lidhur me shërbimet publike të sterlizimit. njoftimi është bërë sipas procedurave parlamentare në bazë të rregullores, mbledhja e sotme u thirr sepse deputetët e mazhorancës refuzuan rendin e ditës që ne kishim përgatitur, meqenëse refuzuan të diskutonin, kam bërë njoftim për mbledhjen e sotme. Njoftimi është bërë edhe në faqen e Kuvendit, sipas procedurës”,-tha Albana Vokshi.

Ndërkohë Plarent Ndreca i cili ka kërkuar ditën e djeshme që njoftimi të ishte bërë nëpërmjet sekretarit ka reaguar me anë të një statusi në Facebook për mungesën e palës socialiste në mbledhjen e komisionit.

Ai shkruajti ndër të tjera se : “Komisionet Hetimore e theksoj për të disatën herë, nuk janë banaqe mediatike apo studio televizive, por struktura të përkohshme parlamentare, që kanë për themel zbatimin e Kushtetutës”.

LEXONI GJITHASHTU:

• A do ta marrë mandatin e deputetit pas refuzimit të Bicit? Përgjigjet Plarent Ndreca
• Vokshi denocon dhunën: Më kanë goditur në këmbë gardistët, u dhunuan dhe kolegët