Pse Macron kërkon luftë me Rusinë? Eksperti zbërthen planin

Eksperti Dritan Hoti komentoi në një intervistë për Euronews Albania deklaratën e presidentit të Francës Emanuel Macron për mundëisinë që NATO të dërgojë trupa tokësore në Ukrainë për të luftuar kundër Rusisë.

Sipas tij, nëse ndihma ushtarake e vendeve të Perëndimit në drejtim të Ukrainës shkon në një rritje të pandërprerë, Ukraina do të shikojë superioritet strategjik. Kjo pasi armatimi i Perëndimit tekonologjikisht është më i avantazhuar se ai i Rusisë.

“Putin kërkon një fitore me çdo kusht, edhe me vuajtje rraskapitëse, pra e konsideron një luftë ekzistenciale. Do jetë rraskapitëse në planin njerëzor, po kjo varet nga vëllimi i ndihmave ushtarake të Perëndimit ndaj Ukrainës. Putin ka 3 objektiva; vendosjen e standardeve morale të shoqërisë rusë, të zgjidhë raportin e Rusisë me ish-hapësirën e Bashkimit Sovjetik dhe e treta të sfidojë në planin global bashkë me Kinën atë që quhet blloku perëndimor që është ende poli më i fuqishëm. Të tria kalojnë nga fati i luftës në Ukrainë që varet nga armatimi që do të çojë perëndimi në Ukrainë”, tha eksperti.