Pse s’po diskutohet më çështja Çame? Meçollari: Si u hoq nga axhenda e bisedimeve

Artur Meçollari, ish-komandant i Forcave të Armatosura ishte këtë të mërkurë i ftuar në “Now me Erla Mëhillin” ku foli për njohjen e çështjen çame në Greqi.

Sipas një sondazhi të realizuar në vendin grek, 50% e qytetarëve nuk e njohin çështjen çame. Meçollari tha se ka një rënie të interesit për njohjen e çështjes çame në Greqi. Sipas tij në Greqi, media e merr çështjen çame nga qeveria e vendit të saj.

“Deri në 2019, çështja çame ka qenë pjesë e axhendës. Diskutohej në nivele dypalëshe, ka qenë edhe pjesë e deklaratave dhe konferencave të përbashkëta. Pas 2019, çështja çame po të marrësh deklaratat e ministrave të jashtëm, nga 2017 deri në kohën kur ishte Ditmir Bushati, është ngritur si çështje dhe është trajtuar edhe në bisedime bilaterale. Kjo ka ndodhur për shkak të pozicioneve që kanë pasur qeveritë.

Deri në 2019 kryeministër ka qenë Aléxis Tsípras e në fund të 2019 erdhi Mitcotakis. Tsipras e lejonte diskutimin se qeveria e tij ishte më liberale dhe në atë periudhë kishte edhe probleme të tjera, vazhdonte kriza financiare dhe më e rëndësishmja, Greqia ishte në konflikt me Turqinë.

Kjo klimë solli marrëveshjen detare që u ndërpre. Pas ardhjes së Mitcotakisit, çështja çame dhe marrëveshja detare u hoq nga axhenda e diskutimeve. Duke mos u diskutuar nga të dy qeveritë e duke mos u ngritur më edhe në media, kjo çështje filloi të zbehej. Ndaj edhe numri që janë në dijeni për çështjen çame është më i ulët se në 2019.

LEXONI GJITHASHTU:

• “Mungon besimi”,Armakolas: S’ka përmirësim në nivel politik mes Greqisë e Shqipërisë
• “S’rrihet me një dorë në ballkava, një në revani”,Kulluri: Duhet projekt politik