Pse u tërhoq Rai 3? Çani: Rama do i hipë avionit, do i shkojë live në studio

Gazetari Arjan Çani tha në emisionin Now në Euronews Albania se nuk përjashtohet mundësia që kryeministri Edi Rama të shkojë vetë në Itali dhe të japë intervistë për Rai 3, televizionin që publikoi dokumentarin ku implikohej emri i tij në marrëveshjen me Italinë për emigrantët.

Çani u shpreh se reagimet e deritanishme të Ramës janë thjesht retorikë, pasi atij,  ndryshe nga Melonit kjo çështje nuk i ndikon aspak në votë apo pëlqyeshmërinë e publikut.

“Nuk është çudi që Rama t’i hipë avionit dhe të shkojë të regjistrojë intervistën në Rai 3. Fakti që ne po diskutojmë sot pse u tërhoq Rai është në favor të Ramës. Është njësoj sikur njerëzit të presin episodin e një seriali që e duan. Ne nuk jemi në zgjedhje dhe Rama nuk ka frikë, Meloni ka vërtetë frikë se atje ka zgjedhje vërtetë. Ramës nuk i ndikon asgjë në votë, i duhet alibia demokratike. Një politikan edhe kur është autokrat si Rama, i duhet për turmat një alibi demokratike, është retorikë, se në fund kush e certifikon popullaritetin e një lideri, votat, këtu ka zgjedhje por jo 100 për qind votë”, tha Çani.

LEXONI GJITHASHTU:

• Bardhi: Rama mund ti fshihet Kuvendit, por nuk i fshihet kërkesës së qytetarëve
• Rama: Nuk na duhet turizmi masiv në Shqipëri, duhen turistë që konsumojnë shumë