Pse video lojërat e vjetra mund të vlejnë miliona?

Një kopje e video lojës “Super Mario Bros” e pahapur, e prodhuar në vitin 1985, u shit 2 milionë dollarë në faqen e koleksioneve Rally, në fillim të gushtit.

Kjo video-lojë e prodhuar nga ‘Nintendo Entertainment System’ theu rekordin për lojën elektronike më të shtrenjtë në botë.

Disa javë më parë, një kopje e “Super Mario 64”, e vitit 1996, ishte video loja më e shtrenjtë e cila u shit në ankand plot 1.5 milionë dollarë. Ndërkohë edhe loja elektronike “Legjenda e Zeldës” e vitit 1987 është shitur për 870 mijë dollarë.

Gjithashtu një kopje e “Pokemon” mund të shitet qindra mijëra dollarë.

Por jo të gjithë mund të fitojnë mijëra dollarë nga këto video lojëra të vjetra, sepse janë disa faktorë që i bëjnë kaq të kushtueshme.

Faktorët që ndikojnë janë, numri i njësive të prodhuara, rajoni ku është prodhuar, madje ndikon edhe nëse kjo kasetë e video lojës është brenda kutisë së saj origjinale.

Vlera e tyre mund të përgjysmohet nëse e keni hapur më parë nga kutia e saj.

Sipas Illiana Bodnar, shefe e marketingut në ankandin koleksionist luksoz Macey and Sons, është rritur interesi dhe kërkesat për lojërat retro.

Madje ajo tregon se koleksionistët e rinj janë më të gatshëm të investojnë në personazhe të njohur të lojërave, që i bëjnë ata nostalgjik për fëmijërinë e tyre si Mario, Cloud Strife nga “Final Fantasy VII” ose “Zelda”.