Pumo nga Rusia: Kush është “klienti” i IS-K që sipas Putin porositi sulmin në Moskë

Gazetari shqiptar në Moskë, Misha Pumo, është shprehur se presidenti i Rusisë, Vladimir Putin, duke iu referuar të dhënave të FSB-së, Ukraina është ‘klienti’ apo porositësi i sulmit terrorist të kryer në Moskë nga terroristët e IS-K.

Komentet Pumo i bëri në emisionin “Now me Erla Mëhillin” në Euronews Albania, ku tha se sipas informacioneve të FSB-së, përfaqësuesit e Ukrainës i kanë trajnuar terroristët në një vend në lindjen e largët.

“Rusia zyrtare dyshon që ky sulm është kryer nga xhihadistët, nga përfaqësuesit e IS-K, që kanë qenë të stërvitur, sipas deklaratës që ka bërë sot drejtuesi i FSB-së, pas pyetjeve të para të bëra ndaj të arretuarve, ai deklaroi se gjurmët na çojnë në Ukrainë dhe më tej ai dha një informacion që këta përfaqësues të Ukrainës kanë trajtuar terroristët në një bazë trajnimi në lindjen e afërt. Sipas Putinit që i referohet të dhënave të FSB-së, Ukraina është klienti që ka porositur aktin terrorist në Moskë”, tha Pumo.

LEXONI GJITHASHTU:

• Kreu i FSB ruse: Autorët e sulmit në Moskë do përshëndeteshin si heronj në Ukrainë
• Drejtori i FSB ruse: SHBA, Britania dhe Ukraina janë pas sulmit terrorist në Moskë