Punonjësit të karburantit i digjet makina, u akuzua nga Deizi Arapi

Një automjet tip “Volksvagen”, në pronësi të shtetasit Marsel Buqo, është përfshirë nga flakët në orët e para të mëngjesit të së hënës në qytetin e Bilishtit.

Sipas burimeve, Buqo, një punonjës karburanti, është shtetasi i akuzuar nga Deizi Arapi, e reja së cilës iu dogj mjeti pak javë më parë.

Policia thotë se zjarrvënia dyshohet të jetë e qëllimshme.

Grupet hetimore po punojnë për sqarimin e rrethanave dhe përcaktimin e shkaqeve të aksidentit dhe rënies së zjarrit.

Pasi iu dogj makina disa javë më parë në Devoll, Deizi Arapika ka kërkuar ndihmën e shtetit, pasi sipas saj, ngjarja ka lidhje me një konflikt të vjetër me deputetin demoktat, Bledion Nallbati.

Arapi është shprehur se 4 vite më parë është konfliktuar me Nallbatin, kur drejtonte bashkinë e Devollit.

Ajo theksoi se konflikti ka lidhje me pushimin nga puna të së ëmës në bashki, teksa bëri të ditur se ditën e djeshme e ka ndjekur një person, i cili sipas saj është punonjës i karburantit në pronësi të Bledion Nallbatit.

LEXONI GJITHASHTU

• E reja e akuzoi se i dogji makinën, reagon deputeti i Partisë Demokratike
• ‘Deputeti i PD më ka djegur makinën’, e reja nga Devolli: Jam në konflikt me të
• Kishte konflikt me policinë, shtetases në Bilisht i digjet makina për herë të dytë