Pushuesit zgjedhin Vlorën, krijohet trafik i rënduar këtë fundjavë

Trafik i rënduar është regjistruar këtë të diel në rrugët e Vlorë, ku qindra qytetarë i janë drejtuar qytetit bregdetar për të kaluar fundjavën.

Të favorizuar nga kushtet e mira atmosferike dhe temperaturat e larta, shumë pushues kanë zgjedhur plazhet e Vlorës dhe zonat jugore të vendit për pushim, duke rritur ndjeshëm fluksin e automjeteve.

Ngarkesa e lartë në akset kryesore ka sjellë vonesa në qarkullim, ndërsa autoritetet u bëjnë apel drejtuesve të mjeteve të tregojnë kujdes dhe të respektojnë rregullat e qarkullimit rrugor.

Atmosfera verore ka gjallëruar ndjeshëm qytetin, duke sjellë një numër të madh vizitorësh në bregdet.