“Putin pësoi arrest kardiak” Kremlini reagon në lidhje me lajmin në mediat britanike

Kremlini ka hedhur poshtë lajmin e publikuar në mediat britanike se, Presidenti Vladimir Putin, pësoi një atak në zemër gjatë fundjavës.

“Gjithçka është në rregull me të, kjo është absolutisht një tjetër falsifikim,” deklaroi këtë të martë zëdhënësi i Kremlinit Dmitry Peskov, raporton Reuters.

Lajmet e pa verifikuara që qarkulluan në media pretendonin se lideri rus u rrëzua në dhomën e tij të gjumit pasi pësoi një arrest kardiak të dielën.

Pamjet e shpërndara në internet gjithashtu shfaqën Putin me një shenjë të theksuar në qafë.

Pretendimet për përkeqësimin e shëndetit të Putinit janë shfaqur vazhdimisht në media që kur Rusia pushtoi Ukrainën më shumë se një vit më parë.

Lajmi u dha në një kanal në Telegram që besohet se drejtohet nga një ish-zyrtar i brendshëm i Kremlinit, ku u raportua me detaje incidenti.

Sipas njoftimit të publikuar më pas në The Mirror, lideri rus u gjet nga rojet i shtrirë në dyshemenë e dhomës të tij.

“Ndoshta, kur presidenti është rrëzuar, ka goditur tavolinën dhe më pas orenditë  kanë rënë në tokë çka ka shkaktuar zhurmën duke alarmuar rojet”, shkruan kanali në Telegram.

Media britanike shkruan se pas diagnostikimit mjekët thanë se lideri 71-vjeçar kishte pësuar arrest kardiak.

“Më pas ai u transferua në një ambient më të specializuar për mjekim ku iu nënshtrua kujdesit intensiv”, vijoi njoftimi.

LEXONI GJITHASHTU:

• Putin arrest kardiak? Mediat britanike: Rojet e gjetën të shtrirë në dysheme
• Putin flet pas takimit me Vuçiç, zbulon çfarë i tha presidenti serb