“Putin s’duhet lënë…”-Shefi i NATO: Ukrainasve s’po u mbaron guximi, por municioni

Jens Stoltenberg u ka kërkuar anëtarëve të NATO-s që të dërgojnë me shpejtësi më shumë ndihmë ushtarake në Ukrainë, për të shmangur “gabimin e rëndë historik” të një fitoreje ruse në fushën e betejës.

Sipas mediave të huaja, sekretari i përgjithshëm i aleancës tha se ukrainasve “nuk po u mbaron guximi, po u mbaron municioni”.

“Së bashku ne kemi kapacitetin për t’i siguruar Ukrainës atë që i nevojitet,” tha ai. “Ne duhet të tregojmë vullnetin politik për ta bërë këtë.”

Vendet e NATO-s duhet të “gërmojnë thellë dhe të arrijnë shpejt” pasi vonesat do të çojnë në “pasoja reale në fushën e betejës”, tha Stoltenberg teksa dorëzonte raportin vjetor për vitin 2023.

“Ky është një moment kritik. Do të jetë një gabim i rëndë historik të lejosh Putinin të mbizotërojë,” tha ai.

Kujtojmë se që prej 24 shkurtit të dy viteve më parë, pas nisjes së agresionit të pajustifikuar të Rusisë ndaj fqinjit të saj perëndimor, me mijëra persona kanë humbur jetën, civilë dhe ushtarakë.

LEXONI GJITHASHTU:

• Kërcënimet e Putinit me armë bërthamore, SHBA: Të pamatura dhe të papërgjegjshme
• E veja e Navalnyt: Putin është një “gangster”, Perëndimi të mos njohë zgjedhjet