“Qasja e opozitës e gabuar”, Nexhmedin Spahiu: Po i rrisin popullaritetin Kurtit

Profesori i Shkencave Politike në Kosovë, Nexhmedin Spahiu ishte i ftuar këtë të diel në Euronews Albania ku tha se opozita në Kosovë po i rrit popullaritetin kryeministrit Kurti.

Ai tha se politika që po ndjek opozita është e gabuar pasi në vend që ta kritikojnë për mos sukseset e kritikojnë për sukseset e veta.

“Ka një qasje klasike që duhet ta ketë opozita në çdo vend të botës, e para duhet të shikojë se ku e ka qeveria suksesin dhe dështimin më të madh. Atje ku qeveria ka suksesin më të madh duhet t’i bashkëngjitet e atje ku ka dështimin më të madh, duhet t’i bjerë në qafë.

Por me opozitën në Kosovë, ata po i bien në qafë qeverisë aty ku ka suksesin më të madh, në Veri të vendit, ndërkohë që në të gjitha fushat e tjera ata heshtin. Kjo është qasje e gabuar bën që popullariteti i kryeministrit Kurti të rritet”,-tha profesor Nexhmedin Spahiu.

LEXONI GJITHASHTU:

• Ben Andoni: PD do të justifikojë humbjen, kërkon me çdo kusht fitoren në Rrogozhinë
• Papa kërkon veprime urgjente nga bota kundër ndryshimeve klimatike