Qëllimi i Rusisë dhe Kinës rritja e influencës në botë, thotë senatori amerikan

Senatori Ted Cruz u shpreh se Rusia dhe Kina kanë si qëllim rritjen e influencës në Europë dhe botë. Ato synojnë t’i kundërvihen shteteve demokratike, prandaj angazhimi ushtarak dhe diplomatik duhet të jetë më i lartë.

Deklaratën e bëri nga Kongresi Amerikan në një takim ku ishte i pranishëm dhe ish-ministri Fatmir Mediu.

Cruz shquhet për qëndrimin e tij në mbështetje të fortë të Ukrainës. Senatori është pro ndalimit të blerjes së energjisë nga Rusia dhe kundër varësisë së Europës ndaj Rusisë.

Ai vlerësoi angazhimin e kompanive amerikane për të prurë LNG (gaz të lëngshëm) në Shqipëri dhe idenë për organizimin e një forumi sigurie për Ballkanin.

Mediu u takua gjithashtu me kongresmenin Robert Aderholt bashkëkryetar i grupit për Shqipërinë, kongresmenin Joe Wilson të dy bashkë-ideator të forumit për sigurinë në Washington.

Ish-ministri parashtroi nevojën e një politike rajonale të vendeve anëtare të NATO-s për të rritur kapacietet e tyre operacionale dhe koordinuar marrëdhëniet me industrinë dhe mbështetjen ushtarake amerikane.

LEXONI GJITHASHTU:

• Serbia votoi kundër Rusisë në OKB, Vuçiç: Po na shantazhojnë
• Mbi 30 të vrarë nga sulmi me raketa në një stacion treni në Ukrainë