Qëlloi me armë kunatin pasi i dhunoi motrën, arrestohen autori dhe i plagosuri

Policia e Tiranës ka arrestuar dy persona dhe ka shpallur në kërkim një të tretë pasi një konflikt familjar i ndodhur ditën e shtunë në rrugën “Llambi Bonata”, në zonën e Kombinatit, ka përfunduar me përdorimin e armës së zjarrit dhe plagosjen e një personi.

Sipas njoftimit të policisë, ngjarja ka nisur pasi një shtetas kishte ushtruar dhunë ndaj bashkëshortes së tij.

Pas kësaj, vëllai i gruas, ka mbërritur i armatosur në banesën e kunatit të tij dhe e ka qëlluar me armë zjarri burrin e motrës, duke e plagosur.

Në njoftim thuhet se 41-vjeçari Misir Trushi ka qëlluar me armë kunatin e tij, shtetasin Genci Mullaymeri, 54 vjeç ndërsa këtë të diel policia i ka arrestuar të dy, si autorin e plagosjes ashtu edhe të plagosurin, ndërsa vijon kërkimi për shtetasin N. S., nip i Misir Trushit, i cili ndodhej në banesë në momentin e ngjarjes.

Trushi dhe Mullaymeri përfunduan në pranga, i pari me akuzën për plagosje me armë zjarri, dhe i dyti për dhunë në familje.

Arma e zjarrit u sekuestrua si provë materiale ndërsa materialet i janë dorëzuar Prokurorisë për veprime të mëtejshme.

LEXONI GJITHASHTU:

• Plagosi me armë kunatin: Arrestohet autori, shpallet në kërkim edhe një 29-vjeçar
• “Nuk doja t’i vrisja”- Lihen në burg të rinjtë për ngjarjen në Kombinat