Qëlloi me kallashnikov në ajër dhe rrezikoi banorët, arrestohet i riu në Vlorë

Një 27-vjeçar ka përfunduar në prangat e policisë në qytetin e Vlorës, pasi u ndalua në flagrancë duke lëvizur me një armë automatike.

27-vjeçari u arrestua nga policia , pasi qëlloi me armë zjarri në ajër, vendin e quajtur “Kuzum Baba”, në lagjen “Partizani”, duke rrezikuar banort e zonës.

Në cilësinë e provës materiale u sekuestruan arma e zjarrit kallashnikov me krehër me municion luftarak dhe një mjet prerës biçak, që iu gjetën 27-vjeçarit, gjatë kontrollit fizik.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë.

“Në zbatim të masave të megaoperacionit “Sundimi i ligjit”, Seksioni për Hetimin e Narkotikëve, në bashkëpunim me Komisariatin e Policisë Vlorë, bazuar në informacionet e siguruara në rrugë operative se një shtetas lëvizte i armatosur, finalizoi operacionin e koduar “Strike 14 “, për kapjen e tij.

Si rezultat, u arrestua shtetasi A. S., 27 vjeç, banues në Vlorë. Ky shtetas është kapur në flagrancë nga shërbimet e Policisë, pasi kshte qëlluar me armë zjarri në vendin e quajtur “Kuzum Baba”, në lagjen “Partizani”, duke rrezikuar banort e zonës.

Gjatë kontrollit fizik, shtetasit A. S. i është gjetur 1 armë zjarri kallashnikov me krehër me municion luftarak dhe 1 mjet prerës biçak, të cilat u sekuestruan në cilësinë e provës materiale”, njofton policia.

LEXO GJITHASHTU:

• Arresohet Leone Duka, drejtonte grupin që falsifikonte para
• Arresohet shefi i kartelit më të madh kolumbian, doli nga izolimi për t’u martuar