Qëlluan me armë në drejtim të biznesit, policia zbardh ngjarjen. Kapet 1 nga autorët

Policia e Fierit ka zbardhur ngjarjen e ndodhur ditën e djeshme, në Fermë Çlirim, ku u qëllua me armë zjarri në drejtim të berberhanes së shtetasit B. K.

Policia bën me dije se është arrestuar në flagrancë njëri prej autorëve të dyshuar, ndërkohë që o punohet për kapjen e personit tjetër të përfshirë.

Nga uniformat blu u sekuestrua automjeti me të cilën u larguan autorët, pasi qëlluan me armë zjarri, për motive të dobëta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale “Vrasja me dashje”, mbetur në tentativë, kryer në bashkëpunim dhe “Prodhimi dhe mbajtja pa leje e armëve të zjarrit dhe municionit luftarak

“Në vijim të veprimeve hetimore dhe punës së pandërprerë për zbardhjen dhe dokumentimin e ngjarjes së ndodhur ditën e djeshme, në Fermë Çlirim, ku u qëllua me armë zjarri në drejtim të berberhanes së shtetasit B. K., 33 vjeç, shërbimet e Policisë, me mbështetje të inteligjencës policore, bënë të mundur arrestimin e njërit prej autorëve të kësaj ngjarjeje, shtetasin N. M. (M), 22 vjeç dhe po punojnë për kapjen e shtetasit G. H.(M)., 33 vjeç, banues në Fermë Çlirim.

Këta shtetas, pas një konflikti për motive të dobëta, ndodhur kohë më parë, me shtetasin E. K., 30 vjeç, klient në berberhanen e shtetasit B. K., kanë qëlluar me armë zjarri në drejtim të këtij dyqani dhe më pas janë larguar me automjetin tip “ML”, i cili u gjet i braktisur në fshatin Baltëz.

Në drejtimin e Prokurorisë vijon puna për kapjen e shtetasit G. H.(M). dhe për dokumentimin e plotë të rrethanave të ngjarjes”, thuhet në njoftimin e policisë.

LEXONI GJITHASHTU:

• Vodhi automjetin në Tiranë, arrestohet mekaniku. Po e çmontonte në servisin e tij
• Gjendet i djegur brenda një makine një person në Prizren, dyshimet e policisë