‘Qëndrimi i Shqipërisë i qartë’, Peleshi reagon pas aneksimeve nga Rusia

Ministri i Mbrojtjes, Niko Peleshi ka reaguar lidhur me aneksimin e katër rajoneve të Ukrainës nga Rusia.

Përmes një postimi në faqen e vet në Facebook, Peleshi e cilëson këtë si një veprim të paligjshëm ndërsa thotë se qëndrimi i Shqipërisë është i qartë, krah SHBA, BE e NATO.

“Aneksimi i katër rajoneve të Ukrainës është i paligjshëm. Qëndrimi i Shqipërisë është i qartë, ashtu si ai i SHBA, Bashkimit Evropian, NATO-s dhe shteteve të tjera demokratike. Kundërshtojmë pa mëdyshje këtë veprim të njëanshëm të Rusisë, që shkel hapur të drejtat themelore të Ukrainës për pavarësi, sovranitet dhe integritet territorial”, shprehet Peleshi.

LEXONI GJITHASHTU:

Rusia ‘ndryshon’ kufijtë – si i ndryshon kjo rregullat e lojës?

Putin shpall aneksimin, Zelenski kërkon anëtarësimin e përshpejtuar në NATO