Qëndrimi i Vuçiç për Ukrainën hipokrit, thotë gazetari serb

Gazetari i Euronews Serbia, Bojan Brkic e cilësoi hipokrit qëndrimin e Serbisë sa përket integritetit territorial të Ukrainës duke pasur në mes çështjen e Kosovës.

Teksa shpjegoi për Euronews Albania qëndrimin zyrtar të qeverisë serbe lidhur me konfliktin mes Rusisë dhe Ukrainës, Brkic kujtoi se në të njëjtën situatë ka qenë edhe Serbia në 1999, kur kufijtë u ndryshuan nga përdorimi i dhunës.

“Në këtë konferencë Vuçiç, por me më shumë zë kreu i Parlamentit, Daçiç përmendi aktin e Helsinkit sa i përket integritetit territorial, papranueshmërinë për të përdorur forcën për të ndryshuar kufijtë dhe kjo tingëllon hipokrite, pasi ne kemi qenë në këtë situatë kur kufijtë tanë janë ndryshuar në 1999 nga përdorimi i dhunës të një lloji të njëjtë që tani po ndodh në Ukrainë. Ky është komenti më i zakontë që mund të dëgjohet nga zyrtarët në Serbi”, tha Bojan Brkic.

LEXONI GJITHASHTU:

• Vuçiç: Mbështesim integritetin e Ukrainës, po nuk i vëmë sanksione Rusisë
• Presidenti i Ukrainës poston video nga Kievi