Qershori, muaji i ndërgjegjësimit për skoliozën

Skolioza është një lakim i shtyllës kurrizore. Një shtyllë kurrizore e shëndetshme e parë nga përpara ose mbrapa është e drejtë.

Kur shfaqet skolioza, lakimi anësor i shtyllës kurrizore shihet djathtas ose majtas. Përveç vizualisht, pra me sy të lirë, diagnoza përfundimtare bëhet edhe me ndihmën e një rëntgeni të marrë në konsultim me mjekun ortoped ose fizioterapist.

Shkalla e shtrembërimit

Lakimi konsiderohet i vogël kur është nën 20 gradë.

Lakimi është mesatar kur është ndërmjet 25 dhe 40 gradë.

Lakimi është i rëndë kur kalon 50 gradë. Ky lloj lakimi mund të dëmtojë mushkëritë. Kjo është arsyeja pse kirurgët ortopedë dhe traumatologët shpesh marrin masa kirurgjikale përpara se të ndodhë kjo, në mënyrë që lakimi të mos arrijë deri në pikën e fundit.

Si korigjohet?

Shumica e fëmijëve me skoliozë të lehtë nuk kanë nevojë për trajtim, rekomandohen ushtrime korrigjuese dhe kontrolle të rregullta për t’u siguruar që deformimi të mos përparojë.

Kur mjeku konsideron se kurba (harku) ndryshon nga mesatarja në e rëndë dhe se mund të përkeqësohet ose të shkaktojë probleme, rekomandohet përdorimi i një korseje ortopedike derisa fëmija të ndalojë së rrituri.

LEXONI GJITHASHTU:

• A ishte paralajmëruar tensioni në veri? Andoni: Është momenti i së vërtetës…
• “Të hapim letrat dhe të tregojmë pasurinë,” Basha: Niseni me mua dhe familjen time