Qeveria: Bizneset të punësojnë personat me aftësi të kufizuara

Për çdo 25 punonjës, bizneset duhet të kenë të punësuar një person me aftësi të kufizuara, ose të paguajnë çdo muaj një rrogë minimale nëse nuk e plotësojnë këtë kriter.

Ky është ndryshimi i propozuar nga Qeveria në ligjin e 2019-s për nxitjen e punësimit.

Në dokumentacionet shoqëruese dhe relacion thuhet se nga ky parashikim do të punësohen gati 9 mijë persona me aftësi të kufizuara. Nëse zgjidhet varianti i dytë, ai i pagesës së rrogës minimale çdo muaj kostoja për bizneset do të jetë 230 milionë lek në vit.

Në të njëjtin ligj shtohet edhe pika e garancisë rinore të punësimit. Nga kjo garanci mund të përfitojnë mbështetje për kurse profesionale dhe aftësim në punë, 18 mijë të rinj nën 29 vjeç që nuk janë as në shkollë dhe as të punësuar.

Kostot e garancisë rinore do të varen nga forma e mbështetjes dhe iniciativat financiare për nxitjen e punësimit, që propozimi ja ngarkon Qeverisë që t’i hartojë me VKM.

LEXONI GJITHASHTU: 

• “Rritja ekonomike 3 % për vitet 2022 dhe 2023”, BERZH: Duhet reformë fiskale
• Ruteri juaj është në vendin e gabuar, ja ku ta lëvizni për internet më të shpejtë