“Qeveria e Kurtit do jetë e dobët”, analisti Hoxha: Mund të mos formojë shumicë

Analisti Ylli Hoxha ishte këtë të hënë në një lidhje direkte për Euronews Albania ku ka folur rreth zgjedhjeve të mbajtura ditën e djeshme në Kosovë. Sipas rezultateve paraprake, Lëvizja Vetëvendosje ka dalë parti e parë, gjë që sipas Kushtetutës së Kosovës i jep të drejtën që të formojë qeverinë.

Hoxha tha me fjalimin e mbajtur ditën e djeshme, Albin Kurti ka  ritheksuar se nuk ka ndërmend të bëjë biseda serioze me partitë opozitare për të krijuar shumicë qeveritare.

“Sipas asaj që unë shikoj sot është shumë e vështirë të krijohet shumicë nga zoti Kurti pa bashkëpunim me ndonjë parti opozitare, po ashtu do të jetë e vështirë edhe nga opozita, pasi numrat janë aty në kufi. Kushdo që të arrijë të bëjë pa një bashkëpunim më të thellë pozitë-opozitë, do të bëjë qeveri të brishtë e të paqëndrueshme.

Mund të kemi edhe situatë të pamundësisë së krijimit të qeverisë. Nëse zoti Kurti vazhdon me këtë retorikë, LDK dhe PDK nuk do të gjejnë mundësi afrimi me të dhe më këto numra ai nuk garanton mundësi të krijimit të qeverisë. Edhe nëse arrin ta formojë, ajo do të jetë një qeveri shumë e dobët”,-tha Hoxha.

LEXONI GJITHASHTU:

• Sa mandate mund të marrë Vetëvendosje dhe a e formon dot Kurti qeverinë
• Eksperti Shala paralajmëron për zgjedhje të parakohshme në Kosovë