Qeveria gati taksën për blogerët dhe “vipat” e Tik Tokut që fitojnë para në internet

22 Shtator 2023 | 14:02

Personazhet që fitojnë para nga rrjetet sociale dhe platformat e tjera në internet, do të tatohen në masën 15% duke nisur nga viti 2024. Ministria e Financave ka bërë gati projektinligjin që i jep fund periudhës, kur të ashtuquajturit “VIPA”, “blogerë” e “influencues” fitonin para të padeklaruara.

Kjo kategori, në pjesën më të madhe, përfshin individë vendas që fitojnë nga TikTok-u, Instagrami, Facebook, YouTube, Google.

Drafti është më i gjerë, pasi ai përfshin në taksim edhe individët që lëshojnë pronat e tyre me qira ditore në platformat e prenotimeve si Booking dhe AirBNB, si dhe rishitësit apo reklamuesit, që paguhen nga platformat e tregtisë online si Amazon e Alibaba.

Plani për të identifikuar këta individë, sipas udhëzimit të ri të Ministrisë së Financave dhe Ekonomisë, mbështetet mbi pagesat që këto kompani i bëjnë këtyre individëve përmes llogarive bankare.

Të dhënat tregojnë se në Shqipëri operojnë në platformën AirBNB 17 mijë prona aktive për qira ditore, ndërsa në Booking mbi 3500 të tilla.

Ndërkohë nuk ka një numër të saktë që identifikon personazhet e rrjeteve sociale, për të cilët flitet se fitojnë shuma marramendëse.

Tatimi 15% mbi këto të ardhura synohet të mbahet në burim, por edhe nëse i shpëtojnë sitës së parë të Tatimeve, këta individë janë të detyruar të bëjnë pagesën e detyrimit në deklaratën vjetore të të ardhurave.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Mot i keq në Shkodër, autoritetet apel qytetarëve: Shmangni zonat me risk

Territori i Bashkisë së Shkodrës është përfshirë mbrëmjen e së martës nga reshje të denduara shiu, ndërsa autoritetet lokale bëjnë me dije se strukturat e...
23:16 | 03/06/2026

Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet

Edhe pse protesta e qytetarëve u njoftua se është mbyllur pas disa orësh, dhjetëra të rinj kanë shkuar pranë ambienteve të selisë së PS-së. Ata...
22:28 | 03/06/2026

Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit

Politologu, Adri Nurellari i ftuar këtë të mërkurë i ftuar në emisionin “Now” me Erla Mëhillin në Euronews Albania ka folur lidhur me protestat e...
22:14 | 03/06/2026