Qeveria iraniane merr masa të reja për zbatimin e ligjit për mbulesën e kokës

Autoritetet iraniane kanë propozuar masa të reja për të zbatuar mbajtjen e detyrueshme të mbulesës së kokës për gratë, siç është vendosja e kamerave të vëzhgimit për të identifikuar dhe penalizuar gratë që nuk respektojnë kodin e veshjes.

Ky sugjerim vjen në një kohë trazirash në të gjithë vendin, të shkaktuara nga vdekja e një vajze të re gjatë kohës sa ishte në paraburgim, pasi dyshohet se nuk e mbante “siç duhet” hixhabin, shkruan REL.

Në një seancë publike të parlamentit iranian më 14 mars, Bijan Nobaveh, një anëtar i Komisionit Kulturor tregoi se organi ka propozuar shtatë masa të reja në lidhje me mbulesën, të cilat janë miratuar plotësisht dhe janë diskutuar në Këshillin e Sigurisë Kombëtare.

LEXONI GJITHASHTU:

• BE vendos sanksione ndaj Iranit, reagim pas vrasjes së 22-vjeçares Mahsa Amini
• Hixhabi i Mahsa Amin trondit botën, përjetësohet përmes veprave të artit