Qeveria të ndërpriste kontratat për inceneratorët, thotë ish-deputetja e LSI

Qeveria duhet të kishte ndrëprerë kontratat për inceneratorët për sa kohë ka deputetë e zyrtarë te arrestuar, dhe drejtues të kompanive në kërkim.

Kështu u shpreh në emisionin Mirëmëngjes në Euronews Albania, ish-deputetja e LSI-së Silva Cako.

Ish-ministri i Mjedisit Lefter Koka u arrestua në dhjetor 2021 me akuzat e shpërdorimit të detyrës, korrupsionit pasiv si dhe ‘pastrimi parash’ gjatë procedurave për dhënien e koncesionit për ndërtimin e inceneratorit të Elbasanit. Dy pronarët e kompanive të lidhura me inceneratorët, Stela Gugallja dhe Klodian Zoto u akuzuan gjithashtu për korrupsion aktiv dhe pastrim parash, por janë në arrati. Këty të dy zotërojnë kompanitë që kanë aktualisht kontrata për ndërtimin e inceneratorëve të Fierit dhe Tiranës.

SPAK kërkoi të martën arrestimin e 10 personave për inceneratorin e Fierit të martën. Një ndër të arrestuarit është deputeti i PS-së, Alqi Bllako.

Silva Caka thotë se SPAK nuk duhet të kishte nisur me këta persona, të cilat sipas saj janë “të parëndësishëm në raport me peshën e kësaj afere”.

LEXONI GJITHASHTU:

Korrupsion dhe pastrim parash, SPAK akuza zyrtare për Kokën dhe Bllakon