Qori flet për mandatet e Tiranës: Po s’hyra në Parlament do dorëhiqem

Kryetari i Lëvizjes ‘Bashkë’, Arlind Qori, gjatë intervistës në Euronews Albania, ka refuzuar të përgjigjet lidhur me sa mandate synon të fitojë në Tiranë, duke theksuar respektin për votën e qytetarëve dhe se çdo votues mund të ndryshojë mendim deri në momentin e fundit.

“Nuk të jap përgjigje për këtë as privatësisht, sepse kam respekt për votën e qytetarëve. Nëse unë them një numër kjo do të thotë se ne  tashmë votuesin e kemi në xhep. Mendoj se çdo votues mund të ndërroj mendim edhe në momentin e fundit. Edhe tek ata që kemi fituar besimin duhet ta rifitojmë besimin, edhe tek ata që se kemi fituar, ta fitojmë për herë të parë”, tha Qori.

Gjithashtu, ai ka theksuar se në rast se Lëvizja ‘Bashkë’ nuk arrin të hyjë në Parlament, ai do të dorëhiqet nga posti i kryetarit. Qori ka deklaruar se një dështim i këtij lloji është përgjegjësi e tij, por ka siguruar se, pavarësisht nga rezultati, do të mbetet gjithmonë një aktivist i Lëvizjes.

“Nëse nuk hyj farë në Parlament, unë do jap dorëheqjen si kryetar i Lëvizjes “Bashkë”. E kam thënë disa herë publikisht, nëse ne nuk hyjmë në Parlament ky është një dështim, dhe dështimi në radhë të parë është i kryetarit. Ama do jem gjithmonë aktivist i Lëvizjes “Bashkë”, tha Qori.

LEXONI GJITHASHTU:

• Lëvizja ‘Bashkë’ në Fushatë, Qori: Këtë vit qytetarët kanë më shumë frikë…
• Vodafone Business dhe Fortinet, partneritet global për sigurinë në punët hibride