Qori denoncon incidentin në Tiranë: Na konfiskuan materialet nga selia

Kandidati i Lëvizjes Bashkë për Bashkinë e Tiranës, Arlind Qorri ka bërë një denoncim duke thënë se disa policë bashkiakë kanë ‘zbarkuar’ sot në selinë e tyre dhe kanë kërkuar që të heqin materialet zgjedhore nga muret e selisë.

Për mikrofonin e Euronews Albania, ai shprehet se pas policisë bashkiake erdhën dhe një grup policësh të tjerë të cilët nuk njihnin vendimin e KAS.

Sipas Qorrit, policia u largua vetëm pasi mori një telefonatë, por nuk e cilësoi se nga kush.

“Qorri: Para një orë erdhi një grup i policisë bashkiake për të hequr  materialet  zgjedhore nga muri I selisë tonë, me pretendimin se ishte urdhër i KQZ.  Pastaj erdhi dhe policia e rendit,. Për gati një orë kanë dashur që të heqim materialet zgjedhore. KAS na ka lejuar që të mbajmë materialet zgjedhore në murin e selisë tonë. Na morën shumë kohë, edhe pse i treguam vendimin. Kjo për mua është skandaloze, na morën. Me telefonatë erdhën dhe me telefonatë ikën. Nuk donin të ja dinin as për ligjin as për asgjë”- tha ai.

LEXONI GJITHASHTU: 

• “Më morën zvarrë 3 veta “, flet për Euronews komisioneri i dhunuar në Fushë-Krujë
• VIDEO| Gazetari i Euronews Albania zbulon votimin familjar në Bradashesh