“Qytetar nderi” e autor i disa librave, profili i 78-vjeçarit që vrau shokun në azil

Një ngjarje e rëndë ka ndodhur rreth orës 04:00 të mëngjesit në një azil privat në kryeqytet, ku 78-vjeçari Zyhdi Shehi qëlloi për vdekje me bastun shokun e dhomës, 82-vjeçarin, Virxhil Veshi.

78-vjeçari kishte 1 vit që ndodhej në azil, pas problemeve që ai kishte shfaqur me sklerozën. Ndërkohë që viktima ndodhej në azilin privat në zonën e qytet “Studentit” që prej 4 vitesh.

Euronews Albania mëson se autori është një historian i njohur i cili është shpallur dhe “Qytetar nderi” në qytetin e Kavajës.

Gjithashtu ai është edhe autor i disa librave të historisë.

Shehu ka lindur më 11 dhjetor 1946 në fshatin Bago të Kavajës. Ai është diplomuar në Institutin Pedagogjik të Shkodrës për gjuhë-letërsi. Më pas, ka mbaruar me korrespondencë Fakultetin Filologjik të Tiranës për gjuhe-letersi.

Pas një periudhe pune si mësues, nëë vitin 1982 nisi punën në Muzeun Historik të Kavajës. Në vitin 1996, pas botimeve të artikujve të shumtë në fushën e historisë dhe etnografisë së zonës, del me librin e parë, monografinë kushtuar patriotit kavajas, Ahmet Bejtaga.

Më pas, në vitin 2000 shkroi monografine Andrea Ekonomi, “Mësues i Popullit”, “Kavaja, figura të shquara historike” në vitin 2005, “Indrit Cara”, në 2007, “Inxhinjeri Jani (Xhuf) Koljaka e Diplomati Stavro Stavri”. Për merita në pune i është dektretuar në vitin 1990 medalja “Naim Frashëri”.

Si ndodhi ngjarja?

Dy të moshuarit janë konfliktuar me njërin tjetrin për krevatin.

“Pse më ke zenë krevatin”- mësohet t’i ketë thenë Shehi 82-vjeçarit, përpara se ta qëllonte për vdekje me një bastun.

Ai e qëlloi disa herë në pjesë të ndryshme të trupit dhe në kokë, duke e lënë 82-vjeçarin të vdekur në vend.

LEXONI GJITHASHTU:

• Krim në azilin e pleqve në Tiranë, 78-vjeçari vret shokun e dhomës me shkop
• Krimi i dyfishtë në Konispol, 2 vrasjet ndodhën në praninë e mbesës 10-vjeçare
• “Pse më ke zënë krevatin”- Si 78-vjeçari vrau shokun në azil pas sherrit banal