Qytetari flet për cilësinë e transportit urban: Bëhemi sardele, kushte shqiptarësh

Temë e emisionit “Goodmorning Albanians” në Euronews, këtë të martë, ishte cilësia e shërbimit urban në kryeqytet.

Qytetarët rrëfyen  për kamerën e Euronews përjetimet personale mbi cilësinë e shërbimit të marrë.

Një qytetar tha se në kryeqytet ka linja të mira urbanësh, por që duhet të rritet cilësia e shërbimit dhe t’u përafrohemi kushteve të bashkimit Evropian.

Ai tha se urbanët kanë nevojë për dezinfektim dhe ulje të nivelit të gazrave që emetojnë. Qytetari theksoi gjithashtu se gjatë orëve të mëngjesit fluksi i qytetarëve në urban është shumë i lartë.

“Kjo është linjë goxha e mirë. Kushtet janë shqiptare. Për aq sa i përdor unë. Me kushte shqiptare kuptoj papastërtinë, do të thotë që urbanët kanë nevojë për dezinfektim të përhershëm. Kanë nevojë për eleminimin e zhurmave dhe ndotjes akustike që shkaktojnë, çfarë gazrash emetojnë e kështu me radhë. Nuk kanë ato kushtet që ne pretendojmë për Bashkimin Evropian, normalisht urbani ka ca kushte specifike. Se jam pak i fushës te kjo gjë dhe e di si funksionojnë. Ka momente që në orën 8 e pak bëhemi të gjithë sardele. Në verë janë problem dhe kondicionerët”, tha një qytetar.

LEXONI GJITHASHTU:

• “Qytetarët në urbanë kundërmojnë erë djerse”, Gëzim Tushi: S’kanë higjienë personale
• Avokatja: Gratë duhet ta kuptojnë, shërbimi seksual i paguar nuk është liri
• “Deri në 2 mijë euro”, gazetarja: Sa paguhen vajzat e huaja që vijnë si eskorta