Sot gjyqi i Veliaj në GJKKO, kryebashkiaku pritet të mos jetë i pranishëm! Refuzon kafazin e qelqtë, prokurori: Nuk ka trajtim poshtërues

Në orën 10:00, në Gjykatën e Posaçme Kundër Korrupsionit dhe Krimit të Organizuar zhvillohet seanca e radhës e gjyqit në themel ndaj Erion Veliaj.

Edhe në këtë seancë pritet që Veliaj të mos jetë i pranishëm, pasi vijon të kundërshtojë zhvillimin e procesit gjyqësor në kafazin e qelqtë.

Në seancën e kaluar mungoi gjithashtu edhe avokati i tij, Plarent Ndreca. Ndërkohë, gjykata ka rrëzuar kërkesat e mbrojtjes për transmetimin live të seancës, si dhe kërkesën për zhvillimin e procesit jashtë kafazit të qelqtë.

Prokurori Ols Dado ka argumentuar se qëndrimi i të pandehurit në kafazin e qelqtë nuk përbën trajtim poshtërues, por është një masë që synon garantimin e sigurisë dhe mbarëvajtjes së procesit gjyqësor.