Qyteti i Vlorës pa ujë të pijshëm, shkak bëhet një defekt në rrjetin e furnizimit

Qyteti bregdetar i Vlorës ka mbetur pa ujë të pijshëm që prej orës 06:00 të mëngjesit të kësaj të marte, për shkak të një defekti në linjën qendrore të furnizimit 24-orësh që shërben për të gjithë qytetin.

Defekti, i identifikuar fillimisht në muajin korrik, është shtyrë për t’u riparuar në shtator për të mos ndikuar në sezonin turistik. Sot në mëngjes, pompat që furnizojnë qytetin janë ndalur plotësisht, duke lënë pa ujë të gjitha zonat e Vlorës.

Sipas ndërmarrjes së Ujësjellës Kanalizimeve, ndërhyrja për riparimin e dëmtimit ka nisur në zonën e Ujit të Ftohtë, ku një nga tubacionet kryesore ka pësuar çarje. Remonti pritet të zgjasë mbi 6 orë punë intensive.

Furnizimi me ujë do të rikthehet gradualisht mëngjesin e ditës së mërkurë, duke normalizuar situatën në të gjithë qytetin.