Ra në lumë teksa po peshkonte, gjendet trupi i pajetë i 22-vjeçarit

Polumbarët e RENEA-s kanë gjetur trupin e 22-vjeçarit i cili u mbyt pasi ra aksidentalisht në rrjedhën e lumit Mat.

I riu ishte duke peshkuar me shokët e tij në lumë, kur aksidentalisht ra në rrjedhën e lumit. 22-vjeçari nuk mundi dot të dilte i gjallë, duke humbur jetën.

Grupi hetimor, në drejtimin e Prokurorisë, po vijon punën për zbardhjen e plotë të rrethanave të ngjarjes.

“Pas kërkimeve prej disa orësh në lumin Mat, nga shërbimet e Policisë dhe skuadra e polumbarëve e Repartit Special RENEA, u bë e mundur gjetja e trupit të pajetë të shtetasit V. N., 22 vjeç, banues në Milot, i cili ditën e djeshme dyshohet se ka rënë aksidentalisht në lumë, gjatë kohës që po peshkonte me shokët e tij”, njofton policia.

LEXO GJITHASHTU:

• E mori rrjedhja e ujit në Përmet, humb jetën turistja gjermane
• Plagosje me armë zjarri në Mat, policia shpall në kërkim autorin