Radhë të gjata në dalje në Kapshticë, pala greke me 2 sportele

Radhë të gjata automjetesh ka pasur paraditen e së dielës në pikën e kalimit të Kapshticës.

E gjithë kjo situatë sipas burimeve të siguruara është krijuar për shkak se pala greke nga mëngjesi i ditës së sotme punon vetëm me dy sportele në hyrje ndërkohë që policia jonë kufitare punon me 4 sportele. Në kushte të tilla shtetasit shqiptarë dhe jo vetëm që duan të kalojnë në anën tjetër të kufirit kanë qenë të detyruar të presin deri në një orë.

Autoritetet tona kufitare të Kapshticës kanë pasur takime të vazhdueshme me homologët grek të cilëve u është kërkuar shtimin e sporteleve por sipas helenëve një gjë e tillë është e pamundur pasi në një stinë si kjo personeli është reduktuar.

Megjithatë autoritetet tona ju kanë kërkuar si zgjidhje grekëve kalimin me procedurë të përshpejtuar shtetasve greke por dhe atyre shqiptarë të cilët posedojnë dokumenta greke pasi jetojnë e punojnë në vendin fqinj.

Vetëm ditën e sotme sipas burimeve të siguruara kanë kaluar nga Shqipëria në drejtim të Greqisë me shume se 2100 shtetas shqiptarë dhe të huaj. Numri me i larte gjatë 24 orëve të fundit është regjistruar ne hyrje nga vendi fqinj drejt vendit tonë me mbi 5000 shtetas por nuk janë regjistruar radhë të gjata në të dyja anët e kufirit.

LEXONI GJITHASHTU:

• Fluks hyrjesh nga Greqia në Kapshticë, pala shqiptare me 4 sportele
• Fluks automjetesh në pikën e kalimit kufitar të Kapshticës