‘Raketat në Kiev u lëshuan nga Moska’, Putin: Kundërpërgjigje ndaj sulmit terrorist

Vladimir Putin ka hequr të gjitha dyshimet nëse bombardimet në qytetet ukrainase kishin për autor Moskën.

E në fakt, kjo ishte kundërpërgjigja ruse ndaj sulmit në urën e Kerçit, e cila ndodhi dy ditë më parë, një veprim që është cilësuar nga Putin  si akt terrorist.

Këtë të hënë pas takimit me Këshillin e Sigurimit, shefi i kremlinit bëri një deklaratë.

“Regjimi i Kievit, me veprimet e tij, në fakt e ka vënë veten në të njëjtin nivel me formacionet terroriste ndërkombëtare, me grupet më të urryera. Lënia e krimeve të këtij lloji pa përgjigje është thjesht e pamundur.

Sot në mëngjes, me udhëzimin  e Ministrisë së Mbrojtjes dhe sipas planit të Shtabit të Përgjithshëm të Rusisë, u krye një goditje masive me armë precize: objekte me rreze të gjatë ajrore, detare dhe tokësore për energjinë, komandën ushtarake dhe komunikimet e Ukrainës. Nëse sulmet terroriste vazhdojnë në territorin tonë, përgjigjet nga Rusia do të jenë të ashpra”, theksoi ai.

Putin shtoi se shkalla e përgjigjes do të korrespondojë me nivelin e kërcënimeve të paraqitura nga Federata Ruse. Ura e Kerçit ka një vlerë të lartë simbolike dhe strategjike për Moskën, pasi lidh gadishullin ukrainas të aneksuar të Krimesë me Rusinë kontinentale.

LEXONI GJITHASHTU

• Lukashenko: Ukraina po përgatit sulm ndaj Bjellorusisë

• Raketat që goditën Kievin kaluan përmes Moldavisë, autoritetet llogari Rusisë
• FOTO | Momente nga sulmet me raketa në Kiev