Kryeministri Edi Rama njoftoi këtë të mërkurë se në procesi e legalizimit do të përfshihen dhe bashkitë e vendit.
Shefi i qeverisë, në një mbledhje të posaçme me kryebashkiakët e vendit, deklaroi se deri në shtator bashkitë duhet të ngrenë një grup pune i cili do të monitorojë procesin e legalizimit.
Rama teksa kritikoi Kadastrën për procesin e legalizimit, kërkoi nga bashkitë që të vendosin një radhë në procesin e punës, ku fillimisht të bëhet legalizimi i banesave të qytetarëve e më pas godinave të bizneseve.
“Është vendosur që bashkitë të përfshihen në procesin e legalizimit. Përfshirja e bashkive ka një rëndësi dhe një dobi sipas nesh të posaçme për faktin se jo vetëm do të shtojë forcat për të mbështetur problemin e legalizimit për qytetarët, por do të shërbejë dhe për monitorimin e punës në Kadastër që e përsëris në sektorin e legalizimeve lë shumë për të dëshiruar. Në këtë kontekst janë bashkitë që do të vendosin prioritetet dhe do të përcaktojnë ritmin e planit të punës të zyrës së legalizimit me një staf të caktuar që ju do të krijoni deri në shtator.
Nga një anë kryetarët e bashkive të mos jenë në pamundësi për t’i ardhur në ndihmë qytetarëve kur ata të vijnë të ankohen, nga ana tjetër që zyrat e Kadastrës të mos kenë më monopolin e zgjidhjes së problemve të cilin për fat të keq e abuzojnë në shumë raste, herë nga indidferenca, herë nga paaftësia dhe shpeshherë për fat të keq nga krimbi i kërkesës për rryshfet. Pavarësisht të gjithë progresit të bërë, pasi procesi ka pasur progres, por një progres të pakënaqshëm në raport me regjistrimin e pronës nga ana e Kadastrës. Duhet të jemi të vetëdijshëm se përtej faktit që ligji parashikon përfundimin e procesit në 2028 për banesat duhet të bëjmë gjithçka që procesi të përshpejtohet dhe ndaj duhet të vendosim një rend për këkesat. Është e papërtypshme se disa që aplikojnë më vonë e marrin më herët se ata që kanë vite që presin. Pra ju duhet të vendosni radhë dhe së pari duhet bërë legalizimi i banesave, pastaj janë ata për biznes”, tha Rama.
LEXONI GJITHASHTU:
- Kryeministri Rama: Ka një sulm të organizuar për të dëmtuar turizmin shqiptar
- Çmimet e larta, Rama porosi kryebashkiakëve në Vlorë e Sarandë: Absurde! Flisni me…
