Rama batuta me kampionin e karatesë: Ëndrra e çdo vjehrre, por vajzën e kemi të zënë

Kampioni i karatesë, në Lojërat Europiane, Alvin Karaqi u nderua këtë të martë me medaljen “Ylli i Mirënjohjes Publike”.

Gjatë ceremonisë së mbajtur në ambientet e kryeministrisë, gjatë dhënies së medialjes, kryeministri Edi Rama shkëmbeu disa batuta me sportistin.

Rama tha me humor se Alvini është ëndrra e çdo vjehrre, por shtoi se një vajzë që kanë e kanë të zënë.

Kreu i qeverisë tha se Alvini është një djalë i mrekullueshëm dhe këtë e ka parë tek mënyra si flet për prindërit dhe familjen.

“Përveçse se është djali që çdo prind do të donte të kishte, siç tha ministrja, jam i sigurt që është dhëndri që çdo vjehrrë apo vjehërr do të donte të kishte për vajzën e vet. Nuk jam këtu kandidat për t’u bërë vjehrri i tij sepse një vajzë që kemi, e kemi të zënë. Jam i bindur që edhe në këtë aspekt, ai është një djalë shumë i veçantë. Më ka bërë përshtypje, mënyra se si flet për prindërit, si përshkuan nënën dhe të atin”, tha Rama.

LEXONI GJITHASHTU:

• Kampioni Alvin Karaqi nderohet me medalje/ Rama: Shembull për gjithë të rinjtë
• Sherr me grushte në Kuvend mes Bledion Nallbatit dhe Vullnet Sinaj