Rama: Berisha takoi zyrtarin e Putin para se t’i ngulte thikën Kosovës në Strasburg

Kryeministri Edi Rama ka vijuar me akuzat e tij ndaj kryedemokratit, Sali Berisha në lidhje me financimet nga zyrtarë rusë.

Përmes një postimi në rrjetet sociale, Rama u shpreh se Berisha, kur ishte kryeministër takoi më 17 dhjetor të vitit 2010, kryetarin e Komisionit të Jashtëm të Dumës Shtetërore Ruse Kontantin Kosachev.

Sipas Ramës, një muaj pas këtij takimi, Partia Demokratike votoi pro raportit të Dick Marty-t, duke i ngulur Kosovës një thikë pas shpine.

“Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata!”, shkroi Rama në Twitter.

Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata! pic.twitter.com/fzXx9nUyJW

— Edi Rama (@ediramaal) November 12, 2022

LEXONI GJITHASHTU

• Blindohen dyert e Kryeministrisë pak orë para protestës
• Sot opozita në protestë, Berisha nuk përjashton asnjë skenar
• ‘Mjerë kush prek protestuesit’, thirrja e Berishës për policinë