Rama- Berishës: Asnjë anëtar i familjes time s’ka përfituar nga fondet publike

Kreu i qeverisë Edi Rama në një deklaratë për mediat i është përgjigjur akuzave të Sali Berishës se anëtarët e familjes së kryeministrit kanë përfituar nga fondet publike.

Kreu i qeverisë, nuk hezitoi t’i përgjigjej pyetjes së gazetarëve duke thënë se as ai dhe as familjarët e tij s’kanë marrë asnjë qindarkë nga buxheti i shtetit për udhëtimet personale.

Më tej ai theksoi se si udhëtojnë ai dhe anëtarët e familjes së ti, duke mos lënë të përmend dhe faktin që Sali Berisha është i shpallur “Non Grata” nga SHBA.

“Më vini në pozitë pak të vështirë sepse nuk jam fare i prirur që të komentoj apo i përgjigjem akuzave të dikujt që është subjekt i listës së zezë së SHBA dhe Britanisë së Madhe për korrupsion madhor dhe për minim të demokracisë dhe subjekt i drejtësisë në Shqipëri. Shmangia e pyetjeve do të krijonte një keqkuptim të padrejtë në raport me personat që ti citove që janë shënjestër e kësaj mënyre shumë të ulët të të shfrytëzuarit të mundësisë për të folur në publik. Përgjigja ime është e thjeshtë: Kurrë, në asnjë rast, asnjë anëtar i familjes time nuk ka përfituar asnjë qindarkë nga fondet publike, dhe jo vetëm kaq por dua që ta mësojnë të gjithë  Unë dhe anëtarët e familjes time udhëtojmë në dy mënyra, në rastet e vizitave zyrtare si kryeministër me avionin përkatës dhe në të gjitha rastet e tjera me avionët e linjave si të gjithë shqiptarët, me shpenzimet e mia dhe të familjes time”-tha ai.

LEXONI GJITHASHTU: 

• Dhuna në parlament| Rama: Nuk bashkëpunojmë me non-grata, presim drejtësinë
• Personi i fundit që shoqëroi Ervis Martinaj, lirohet nga burgu Jeton Lami