Rama-Abazoviç prezantojnë projektin e urës që lidh Velipojën me Ulqinin

Kryeministri Edi Rama dhe ai i Malit të Zi, Dritan Abazoviç nga Ohri prezantuan projektin e urës së re Velipojë-Ulqin mbi lumin Bunë.

Rama tha se projekti i detajuar i kësaj ure, që vjen në frymën e Ballkanit të Hapur, përfundon në gusht.

“Pas projektit të detajuar do të ulemi së bashku menjëherë. E kam fjalën Fondi Shqiptar i Zhvillimit me agjencinë tuaj. Kjo është fryma e Ballkanit të Hapur. Pres me padurim të vij t’ju vizitoj në Malin e Zi me shpresë brenda korrikut dhe në gusht për t’ju dorëzuar projektin”, tha Rama.

Kryeministri Abazoviç nga ana e tij ndërtimi i kësaj ure do të ndihmojë në zhvillimin ekonomik dhe të turizmit mes dy vende.

Ura sipas kreut të Fondit Shqiptar të Zhvillimit do të ketë një gjatësi pre 310 metrash dhe një kosto rreth 9 milionë euro.

LEXONI GJITHASHTU:

• Nis punimet Ballkani i Hapur, katër marrëveshjet që pritet të firmosen
• VIDEO | Pengohet Rama në samitin e Ballkanit të Hapur në Ohër