“Rama e shpërbleu me 220 mijë euro”- Alibeaj i përgjigjet ashpër akuzave të Berishës

Enkelejd Alibeaj i është përgjigjur akuzave të ish-kryeministrit Berisha, i cili e akuzoi se është paguar me 220 mijë euro nga kryeministri Rama në lidhje me shërbimin që i bëri në zgjedhjet lokale.

Përmes një postimi në facebook, Alibeaj shkruan se është Sali Berisha ai i cili i nevojitet kryeministrit Rama ta ketë përballë dhe të justifikojë korrupsionin e qeverisë së tij.

“Sali, dorëheqja ime është akt që shkon për të mirën e demokratëve, largimi yt është çlirim dhe frymarrje për ta”, shkruan mes të tjerash Alibeaj.

POSTIMI I PLOTË

Pasi u bojkotua masivisht nga demokratët dhe shqiptarët, Sali Berisha vazhdon të hedhë llum dhe baltë si e vetmja mënyrë për t’i mbijetuar katastrofës së vet elektorale. I përjashtuari i madh nga politika, me 103 mijë vota demokratësh kundër tij e me 200 mijë të tjerë që e refuzuan dëshmoi qartë kush i ka shërbyer kujt!

Edi Ramës i duhet Sali Berisha dhe soji e sorollopi i tij i korruptuar për të justifikuar korrupsionin ku është zhytur ai dhe qeveria e tij.

Unë nuk kam qenë kurrë e nuk jam me parimin e Xenit, për tu paguar për gjithçka.

Sali, dorëheqja ime është akt që shkon për të mirën e demokratëve, largimi yt është çlirim dhe frymarrje për ta.

LEXONI GJITHASHTU: 

• Berisha: Brava e Alibasha përjashtohen përfundimisht, Rama i shpërbleu me 220 mijë €
• Berisha: 200 mijë zgjedhës ishin transferuar në qytete të tjera në 14 maj
• Qafoku: 15 maj ditë e rëndësishme, PD drejt fundit të misionit të saj