Deputeti i Partisë së Lirisë, Petrit Vasili thotë se parlamenti nuk duhet të vazhdojë më punën, pasi sipas tij, është vënë në shërbim të kryeministrit Edi Rama.
Në një deklaratë për mediat pas mbarimit të seancës plenare, Petrit Vasili u shpreh se Rama është frikacak, ndaj ai erdhi në fund të punimeve dhe iu shmang opozitës.
“Një manipulim shumë të rëndë kundra Kushtetutës dhe kundra funksionimit të parlamentit, për mos ngritjen e Komisionit Hetimor. Të gjitha pretendimet, janë vetëm mashtrim, deri në ditën që ligji i Komisioneve Hetimore është në fuqi, është ai dhe vetëm ai që rregullon punën dhe gjithçka është në funksion të frikës së tmerrshme të Edi Ramës.
Iu shmang dhe iu fshehparlamentit dhe u shfaq në sekondën e fundit. Të gjitha alibitë për Komisionet Hetimore janë vetëm mashtrim. Përfundimisht, ky parlament nuk meriton të vazhdojë më punën, sepse thjesht po bën të pamundurën që të kalojnë hajdutëritë e radhës”, theksoi ai.
LEXONI GJITHASHTU