Rama flet për Berishën dhe Metën: Drejtësia do të veprojë me patjetër

Kryeministri Edi Rama mbajti këtë të mërkurë një deklaratë për media në përfundim të mbledhjes së Kryesisë së PS-së, ku foli në lidhje me zgjedhjet lokale të 14 majit dhe kundërshtarët e tij politik.

Rama tha në fjalën e tij se ai nuk mund t’i zgjedhë vetë personalisht kundërshtarët, por është vota që i cakton ata.

Kreu i qeverisë shtoi se ka përballë persona të cilët duhet të ishin me kohë përballë drejtësisë, por që kanë ende mbështetës në elektorat.

“Në poster është e ardhmja dhe e shkuara dhe nuk ka lidhje me asgjë tjetër. Ne nuk e zgjedhim se kush janë kundërshtarët tanë, kundërshtarët tani i zgjedh vota. Ka një pjesë të shqiptarëve që vazhdojnë të zgjedhin njerëz të cilët duhet t’i kishin dërguar me kohë të shikonin hallet e tyre dhe të merreshin me problemet që kanë me drejtësinë. Janë probleme që nuk kanë për t’u zgjidhur kurrë si çudia që zgjat pak ditë sepse drejtësia vonon por gjithmonë e më pak ka shancin t’i harrojë këtë njerëz. Do të shikoni që drejtësia do të veprojë me patjetër më herët se sa vonë”, tha Rama.

LEXO GJITHASHTU:

• Cilat janë pritshmërit e PS-së për 14 majin? Përgjigjet kryeministri Rama
• “Shkodra e vetmja bashki me plehra”, Rama: Duhet të heqin zorrën qorre