“Shkodra e vetmja bashki me plehra”, Rama: Duhet të heqin zorrën qorre

Në një deklaratë për mediat pas mbledhjes së kryesisë, kryeministri Edi Rama u shpreh optimist se PS do shpërblehet në 14 maj për punën e bërë.

Ai i cilësoi kandidatët e koalicionit kundërshtar si kukulla të një çifti non gratash, ndërsa mori sërish Shkodrës shembullin e keqqeverisjes lokale të demokratëve.

Rama tha se Shkodra është sot i vetmi qytet i Shqipërisë me plehra që nuk mblidhen me ditë të tëra.

“Nuk është presion është një mënyrë për t’ia thënë drejtpërdrejtë njerëzve se do të jetë i pamundur bashkëpunimi, jo se nuk duam ne të mbështesim por se kandidatët nuk janë vënë aty për të zgjidhur hallet e komunitet, por për të krijuar oaze të luftës politike, barrikada me qeverinë qendrore dhe për t’i trajtuar bashkitë si pengje lufte. Shkodra sot është i vetmi qytet i Shqipërisë ky plehrat rrinë mbi kazan me ditë të tëra dhe nuk mblidhen siç ishte në gjithë Shqipërinë kohë më parë”, tha Rama.

LEXONI GJITHASHTU:

Cilat janë pritshmërit e PS-së për 14 majin? Përgjigjet kryeministri Rama

Topollaji: Ku bashkohen Rama, Basha dhe Veliaj në Bashkinë e Tiranës