Topollaji: Ku bashkohen Rama, Basha dhe Veliaj në Bashkinë e Tiranës

Fabian Topallaj përfaqësues i partisë “Bindja Demokratike” tregoi në “Now me Erla Mëhillin” se ka një pikë ku bashkohen Rama, Basha dhe Veliaj.

Sipas tij, të tre në kohën që kanë pasur postin e kryetarit të bashkisë kanë shfrytëzuar maksimalisht benefitet që iu ka dhënë posti, gjë që Veliaj vazhdon e bën duke qenë se është ende në krye të Bashkisë Tiranë.

“Unë mendoj që kryetari i Bashkisë është njeri i mbushur me kompetenca, aq më tepër në Tiranë, i mbushur me pushtete dhe ne kemi të gjithë herët e fundit, të gjithë kryetarët e bashkive, pavarësisht se nuk kanë qenë të të njëjtës forcë politike, pavarësisht se kanë pasur edhe këshilla bashkiakë pluralë përsëri e kanë shfrytëzuar postin e kryetarit të bashkisë për të përmbushur qëllime politike,” – u shpreh Topallaj.

Sipas tij territori i bashkisë është përdorur për të dhënë leje korruptive e për të forcuar veten në aspektin ekonomik që më pas këtë ekonomi ta kthejnë në pushtet politik.

LEXONI GJITHASHTU:

• FOTO| Arrestohet shoferi i kryebashkiakut të Pukës, rezultoi i dehur
• Persona të paidentifikuar djegin fadromën e Bashkisë Shkodër