Rama: E gjithë Shqipëria mezi pret ta shohë para SPAK-ut Ilir Metën

Kryeministri Edi Rama kërkoi nga SPAK që të marrë në hetim Ilir Metën, ndërsa përsëriti thirrjen për hetimin e Sali Berishës.

Në fjalën e mbajtur në Asamblenë e PS-së, kryeministri nuk i kurseu akuzat ndaj SPAK-ut që siç tha po merret me ‘cironkat dhe jo me peshkaqenët e mëdhenj’.

Rama iu referua Ardian Dvoranit, që sipas tij ndonëse u cilësua kampion i luftës kundër korrupsionit nga Sekretari i Shtetit, u mor menjëherë në hetim nga SPAK.

Kjo sipas kryeministrit për shkak të Ilir Metës, të cilin siç tha ‘gjithë Shqipëria mezi pret ta shohë para SPAK’.

“Çështja e non gratës së madhe nuk është çështje e Amerikës, është e Shqipërisë. Jo hall i DASH por i popullit shqiptar. Është një sfidë që ia bëjnë drejtësisë, sensit të së drejtës në këtë vend. Dhe sado të mundohemi ne, sado hetime, gjykime, dënime të jepen ne këtë vend, nëse në këtë vend non grata madhe (Berisha) nuk shkon përpara drejtësisë ky nuk është problem i SHBA. Po ju them sot që sapo të ulemi në tryezën e negociatave, kjo do jetë kënga e re që do fillojë”, tha Rama.

LEXONI GJITHASHTU:

• Rama thirrje SPAK: Zgjohuni, një ‘non grata’ na bën karshillëk
• Gara për krerët e rinj të degëve, Rama: Na duhet një profil i ri politik