Rama: Hetimi i SPAK nuk e zbeh suksesin e koncesionit të sterilizimit

Kryeministri Edi Rama vizitoi këtë të martë spitalin Universitar “Shefqet Ndroqi”, ku ndodhet një nga 17 centralet e reja të krijuara nga koncesioni i sterilizimit.

Duke parë nga afër ndryshimet e bëra në spital, kryeministri ka theksuar se PPP e sterilizimit, ka garantuar një standard krejt të ri sigurie për ndërhyrjet operatore, si dhe i ka kursyer shtetit dhjetëra miliona euro nga ulja e ditëve të qëndrimit në spitale pas operacioneve.

Sipas kreut të qeverisë hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cenon aspak suksesin e prekshëm të kësaj nisme të qeverisë shqiptare për Rilindjen e Shëndetësisë.

Ai tha gjithashtu se ky hetim siguron që askush të mos mbetet i pandëshkuar nëse ia bën me hile shtetit dhe popullit shqiptar, duke nxjerrë përfitime vetjake të paligjshme gjatë kryerjes së detyrës në punën për qëllimin e përbashkët

“Doja më tepër të vija për të shfrytëzuar këtë moment ku është bërë një konfuzion i madh për shkak të hetimit të kompanisë për procedurën e sterilizimit, midis përfitimit të madh që ka pasur sistemi dhe çfarëdo qoftë që individë të caktuar mund të kenë bërë pas shpine, që është  problemi i tyre me drejtësinë.

Vetëm ulja e ditëve pas operacionit të qëndrimit në spital, ka sjellë një përfitim financiar që është më i lartë se i gjithë shpenzimi total që është bërë për këtë proces dhe e gjithë kostoja që është parashikuar për procesin”,-tha Rama.

LEXONI GJITHASHTU:

• Eminem ndalon kandidatin për president të SHBA-së të këndojë këngët e tij
• Rama në Forumin e Bledit: Nuk besoj se deri në 2030 do jemi në BE, por…