Kryeministri Edi Rama ka marrë pjesë këtë të enjte në punimet e Samitit të Komunitetit Politik Europian, që po mbahet në Oxfordshire të Britanisë së Madhe.

Pas përfundimit të punimeve të samitit, Rama ka ndarë dhe një “pakënaqësi” në lidhje me ushqimin në Britaninë e Madhe.

Shefi i qeverisë ka postuar në rrjete sociale një foto duke konsumuar ushqim, por me mbishkrimin: “Nuk kanë faj fare anglezët që kur vijnë në Shqipëri thonë “Oh sa mirë hahet këtu tek ju!”

Konferenca e së enjtes ishte takimi i katërt i Komunitetit Politik Evropian, i iniciuar pas pushtimit rus të Ukrainës në shkurt të vitit 2022, ide e presidentit francez, Emmanuel Macron.

Komuniteti Politik Evropian është parë si një mundësi “shumë domethënëse” për kryeministrin e ri britanik, Keir Starmer që jo vetëm të presë liderët evropianë, por të rivendosë besimin në Mbretërinë e Bashkuar dhe t’i tregojë botës se vendi është kthyer në skenën ndërkombëtare pas viteve të dëmtimit të reputacionit të shkaktuar nga Brexit.

LEXONI GJITHASHTU:

• “Lëvizjet” e Ramës në samit, nga takimi me Mitsotakis tek fotoja krah Zelenskyt
• “Më e lehtë me miqtë”- Vuçiç ndan foton me Ramën dhe Orban nga samiti në Britani
• Shtyhet sërish Kongresi i Partisë Socialiste