Rama-KiE-së: Rrëzoni akuzat ndaj Kosovës, pranoni propozimin tonë për rihetim

Nga Strasburgu, kryeministri Rama në Asamblenë e Përgjithshme të Këshillit të Evropës i bëri thirrje këtij institucioni që të rrëzohen akuzat për trafik organesh ndaj Kosovës.

Kreu i qeverisë theksoi se këto janë akuza të turpshme dhe të paprovuara dhe se duhet pranuar kërkesa e Shqipërisë për një rihetim të çështjes.

“Ju bëj thirrje që të rrëzoni akuzat kundër Kosovës. Ju bëj thirrje që të pranoni kërkesën e Shqipërisë për miratimin e një rezolute që kërkon një raport vijues lidhur me akuzat e paprovuara, të turpshme të trafikimit të organeve nga anëtarët e Ushtrisë heroike Çlirimtare të Kosovës, një krim që kurrë nuk është kryer dhe kurrë nuk duhet të ishte atribuuar.

Më lini ta përmbyll duke përsëritur këtë. Kjo nuk është as për hir të Kosovës e as për hir të Shqipërisë që ju duhet ta miratoni këtë rezolutë, është për nderin tuaj dhe besueshmërinë tuaj.

Bota është mjaftueshëm keq në gjendjen që është. Të drejtat e njeriut janë në rrezik gjithkund. Duhen luftëtarë që të luftojnë për to, por nuk mund të ketë luftëtarë nëse nuk ka besim dhe gjithçka ka të bëjë me besimin”- u shpreh Rama.

LEXONI GJITHASHTU: 

• Rama: Vuçiçin e kam mik, Serbia nuk mund t’i vërë sanksione Rusisë
• Berisha: Rama bëri skandal në Këshillin e Europës, çfarë i tha eurodeputeti
• Berisha: Rama bëri skandal në Këshillin e Europës, çfarë i tha eurodeputeti