Kryeministri Edi Rama ishte sot në eventin “Match-Maker Albania 2025” ku marrin pjesë mbi 1000 pjesëmarrës nga 37 shtete, përfshirë investitorë, agjenci të zhvillimit dhe eksportues shqiptarë për investimet në turizëm, pasuri të paluajtshme dhe infrastrukturë, si dhe fuqizimi i markës “Made in Albania”.

Rama u shpreh se ky është momenti që kushdo që e ka në plan të investojë në vendin tonë ta bëjë, sepse nesër gjithçka do të kushtojë më shumë.

“Për këdo që ka ardhur, duhet të kuptojë se kjo është koha për të investuar në Shqipëri, për të blerë qoftë edhe një gur në Shqipëri sepse nesër do të jetë vonë, të gjithë do të duan të vijnë e të blejnë dhe do të jetë shumë e shtrenjtë për shumicën prej jush. Çfarëdo doni të blini e bëni, bëjeni tani. Kjo sepse është një moment ku Shqipëria nis të lulëzojë dhe ende nuk është e njohur për potencialin që ka. Kur të gjithë ta marrin vesh do të jetë më e vështirë. Jemi një vend shumë i mirë për të investuar në gjithçka e për të bërë bashkë aktorë lokalë dhe ndërkombëtarë të biznesit. E fundit por jo nga rëndësia, është diçka që është shumë e lirë në Shqipëri që është gjithçka që mund të kërkojë dikush në male. Kushdo e njeh Shqipërisë përmes deteve e qyteteve, po iu them se më e mira është në male”, tha Rama.

LEXONI GJITHASHTU:

• Rama: Nga 1 janari 2026, paga minimale do jetë 500 euro
• Rama: Falë shërbimeve dixhitale, kursyem 75 milionë fletë letre